جهاز المناعة النفسىهل سمعتم به من قبل؟
اكيد ليك احد الاقارب او الاصحاب او حتى من تعرفهم فى العمل
تساله دايما انت ياخى ليه بارد كده؟
انت مش متاثر ليه باى حاجة من حواليك؟
انت مش باين عليك انك كبرت خالص؟
قد تطلق عليه القابا مثل لامبالى او مستهتر او طيب على الاخر او اهبل ..الخ
طبعا الشخصيات السابقة بنقابلها فى حياتنا.
عارف ان الشخصيات دى تملك ما يسمى بالجهاز المناعى النفسى
طاب ايه وظيفة الجهاز ده؟
لما تتعرض لأى صدمة فى حياتك فى موقفين انت ممكن تصدرهم
الانفعال ثم الهدوء
او الانفعال ثم الحزن والاكتئاب
جهاز المناعة النفسى لو قوى عندك بيجبرك انك تنحرف عن الاكتئاب والقلق والهم
وعلى فكرة مش هيمنعك انك تنفعل او تتاثر ولكن بيحدد ليك شكل الانفعال ومدته وشدته مهما كانت الصدمة لانك تمتلك ميكانيزمات دفاع قوية جدا
والعكس لو عندك المناعة النفسية ضعيفة هتلاقى نفسك بتتاثر باى حدث ولو كان تافه او بسيط.
خلاص عرفنا اهمية الجهاز.والحمد لله طلعت المناعة زى الزفت؟
هل فى اى طريقة لتقوية جهاز المناعة النفسى؟
ايوه فى كذا طريقة ولكن فى الفقرة التالية بمشيئة الله تعالى
عذرا على الاسلوب العامى ولكن لا اريد تصعيب المنشور بمصطلحات علم النفس
ليست هناك تعليقات:
إرسال تعليق